Startseite | Impressum | Kontakt

De Samichlaus isch cho

Am 4. Dezämber 2010 isch de Samichlaus zu üs in Steihuser Wald cho. S Wätter hed super mitgspielt. Es hed churz vorhär no gschniit. D Temperature sind zwar rächt chalt gsi aber de Glüehwii, de Punsch und de Kaffii hend üs schön warm ghalte. Um die 16.00 sind de Nobi, de Winu und de René scho mal d Füürstell verusse go afüüre. Scho glich sind denn au d Ruth mit em Grosi Gritli und de Meitli, sowie d Priska mit de Samira dezue cho und hend i de Hütte alles vorbereitet. Es hed no viel ztue gää. De Nobi hed verusse afe Risotto choche. Und d Fraue hend Wienerli gwärmt, Brot gschnitte, Tisch dekoriert, d Kaffiichrüeg mit de verschiedene warme Getränk parat gmacht und no vieles me.
So Um die 17.30 sind denn au so langsam d Eltere mit ihren Chind cho. Wo denn alli da gsi sind, simer grad chli en grossi Gruppe gsi. Mir hend mega de spass gha. D Chind hend chönne in Schnee usse und wer luscht gha hed isch eifach chli zum Füür ane gstande und hed sich chli ufgwärmt. Mir sind denn alli i de Hütte go s Risotto und d Wienerli ässe. Mmmmm isch mega fein gsi. Es grosses Lob an Nobi üse Choch.
Nach em Ässe isch denn natürli no de Samichlaus mit zwöi Schmutzli cho. De hemer denn vor de Hütte empfange. Jedes Chind isch denn churz zu ihm füre und hed denn au es Säckli becho. Einzelni Chind hend denn au es Versli ufgseid oder es Liedli gsunge.
Es isch würkli en mega luschtige und schöne Abig gsi, wo mir mit üch hend chönne verbringe.
Danke allne wo us so toll unterstützt hend.
Und wer weiss, viellicht chund de Samichlaus ja im nöchschte Johr au wieder zu üs ;-)

Wohnung

Seit 2005 sind wir Gemeinsam in Rotkreuz Zuhause. An „unserer“ Wohnung haben wir sowohl Innen als auch Aussen schön einiges verändert. So manche Wand bekam schon eine andere Farbe und auch Böden wurden schon verändert. Viele Freiwillige Helfer haben schon so manche Stunde Freizeit geopfert um uns zu Helfen. Ihnen allen sie hier auch Danke gesagt!
Unser letztes „Werk“ war zugleich auch das grösste bis jetzt, der Umbau vom Sitzplatz!

"Bau" Sitzplatz