Startseite | Impressum | Kontakt

Über mich

Mai - November 2013

Pech in den Ferien......

Der Frühling lies dieses Jahr aber lange auf sich warten, ich mag zwar den Winter mit "böbble" aber die warmen Tage sind mir doch noch lieber. Im Mai habe ich mein erstes Laufrennen bestritten! Uii war das Interessant und neu für mich, so interessant dass ich am Start zuerst etwas rumschauen musste bevor ich losrannte, leider waren die meisten schon weg und grösser als ich, so belegte ich Rang.....also letzte wurde ich nicht :-) Puhh so 500 Meter können ganz schön weit sein, wie macht das Bloß Papi wenn der sooooo weit Läuft. Ich freute mich aber ganz toll über meine erste Medaille. Im Juli ging es wieder in die Toskana ans Meer in die Ferien, leider wurde ich schon am ersten Ferientag krank und so ging es leider nach Tagen bereits wieder Nachhause, ich hatte einfach keine Lust auf Baden. Zum Glück gab es auch Zuhause viele schöne Sommertage und ich genoss die Sommerferien mit Baden, Spielen, "Brodle" und so weiter. Mitte August ging's dann los mit dem Kindergarten, jetzt heißt es an Tagen die Woche morgen Tagwache. Das macht mir aber nichts aus und ich habe viel Spaß, schon in der 2 Woche ging ich ohne Mami zu Fuß zum "Kindsgi", zum Glück kann ich mit Sean Laufen, ist einfach viel lustiger. Im den Herbstferien waren wir wieder in meinem Lieblings Hotel, dem Bären in Serfaus, aber auch diese Ferien mussten wir wieder früher abbrechen, diesmal musste Mami sogar ins Spital, Blinddarm sagte sie mir habe sie rausnehmen müssen. Ich war nur kurz traurig als sie plötzlich von Mannen mit Koffer und spritzen abgeholt wurde, als ich dann bei Papi im Bett schlafen durfte, ging es mir besser und wir konnten Mami ja dann bald Besuchen und im Kinderclub hatte ich viele "Gspändli" so dass es mir nie langweilig wurde. Ich hoffe die nächsten Ferien (im Februar geht es in die Skiferien) können wir dann alle richtig genießen. Bald schon ist Weihnachten und ich habe natürlich viele Wünsche, ich freue mich jetzt schon auf die Weihnachtszeit.
Also liebe Leute, ich melde mich wieder im neuen Jahr, gibt sicher wieder viel zu erzählen.

Liebe Grüße üchi Samira

Mai - Novemberl 2013

Januar - April 2013

Grüezi im Jahr 2013...

Ich wünsche natürlich allen noch ein gutes, Gesundes neues Jahr 2013! Das Jahr habe ich gut gestartet, auch im Schwimmkurs komme ich vorwärts so bin ich schon in Stufe 1, das heisst alleine ohne Mami im Wasser. Am liebsten Tauche ich, da kann ich ganz schön weit gleiten aber auch auf dem Wasser Bäuchlings geht es vorwärts. Die Schwimmlehrerin ist jeden Fall zufrieden mit mir und meint, Synchronschwimmen wäre noch eine Sportart für mich :-) Und dass ich nun meinen Namen alleine schreiben kann sei hier auch noch erwähnt. Den 5, Geburtstag habe ich mit Mami und Papi im Rapperswiler Zoo verbracht und zur Überraschung kam mein "Freund" Sean auch mit, die Überraschung ist gelungen, alle haben "dicht" gehalten und meine Augen waren ganz schön gross. Wir hatten tolles Wetter und ein super Tag. Natürlich feierte ich noch mit Grosi, Gotti, Götti und vielen Verwandten und sogar eine eigene Party mit fünf "Gspändli" durfte ich feiern. Im April war schon wieder feiern abgesagt, diesmal hatte meine Cousine 1. Kommunion und da mein Mami Gotti ist von ihr, waren wir Eingeladen. Die Kirchenfeier war nicht so mein Ding, dafür umso mehr nachher beim Minigolf spielen, da Trumpfte ich ganz schön auf :-) So das war's wieder von mir, ganz besonderen Gruss an Sonja Fallegger, ich hoffe du bist wieder Informiert, es freut mich besonders dass du öfters hier rein schaust!

Schmützi üchi Samira







Januar - April 2013

August - Dezember 2012

Tratratrallala Samira isch scho wieder da...

Hey wie doch die Zeit verflogen ist. In den grossen Sommerferien war ich viel Baden, habe Ausflüge mit meinen Eltern gemacht und war oft mit meinen Nachbarskindern Sean und Noeé draussen am Spielen. Sean ist ein halben Jahr jünger als ich und seine Schwester Noeé wird im September 2 Jahre, das passt natürlich hervorragend zu mir und so machen wir viel zusammen, wir machen da schon das ganze Quartier unsicher :-)
Der Start in die Spielgruppe war bestens und ich kann mit Sean am gleichen Tag dort hin. Meine Gruppe heisst "Bärli" und seine "Schöfli" passt ja zu Sean das....:-) und so können wir zusammen dort hin, ist natürlich viel lässiger. Im September waren wieder im Tirol in den Ferien, im Hotel Bären in Serfaus gefällt es uns allen natürlich sehr. Gleichzeitig war auch mein Gotti Daniele mit ihrer Familie in Serfaus, so haben wir auch zusammen die Berge erklommen. Aber die Rodelbahn bleibt mein Favorit und in der Kindershow fühlte ich mich wie ein kleiner Star auf der Bühne. Wieder Zuhause kam dann auch schon bald der erste Schnee und somit war Schlitteln angesagt. Jetzt muss ich aber Schluss machen, Basteln ist angesagt, schließlich kommt bald das Christkind :-)

Bis gli, üchi Samira





August - Dezember 2012

Mai - Juli 2012

Hallooooo...

Da bin ich endlich wieder einmal. Irgendwie sind da ein paar Daten verloren gegangen sagte Papi, er erzählte irgendetwas von einem "Absturz" dabei bin ich doch gar nicht gestürzt :-) Ich hoffe die Seite ist nun wieder auf dem neusten Stand. Anfangs Juni war ich mit der Spielgruppe auf dem "Reisli", wir sind mit dem Bus zu einem Picknickplatz gefahren und wir konnten da spielen und eine Wurst "brötle" mhhh ich liebe so eine Wurst vom offenen Feuer. Mit dem Bus ging es dann auch wieder retour wo Mami mich abholte und es gab dann auch noch eine Glace :-) Anfangs Juli waren fuhren wir in die Ferien, wohin? Natürlich ans Meer nach Follonica Italien. Das ist natürlich wunderschön, Baden im Meer und Pool und am Abend in die Minidisco, da lässt es sich einem gut gehen. Nach den Sommerferien gehe ich nochmal ein Jahr in die Spielgruppe, aber vorher genieß ich noch den Sommer!
Tschüüüüssssss

Mai - Juli 2012

April 2012

Hoi Mitenand
Da bin ich ändli wieder emole. Han mich au scho wieder es Zietli nümme gmäldet. Und jetzt isch doch tatsächlich de Früehlig au scho wieder da. Jupiiii. Han de Früehlig scho chli lieber als de Winter. Denn scho gli chani wieder go Bade und mit de Badhösli umeflitze. Und ufs Glace schläcke freu ich mich au scho meeeega. Ich chan üch säge, ich han wieder so einiges erläbt. D Windpocke hend mi mega plaget. Han sogar Bindehütentzündig gha und überall am ganze Körper Pocke , d Fläcke sind leider au noni verschwundeL Aber zum Glück hed ja mis Mami so en coole Puder gha, denn hani amel usgseh wie en Streusselchueche hihihiiiiii. Und zu allem Eländ ane hani denn scho bald druf abe no Scharlach becho. Uiii also das hed ja no viel me gjuckt als d Windpocke. sniff. Doch de Papi hed immer gseid, Samira das chund scho wieder guet. Und tatsächlich es isch alles wieder wäg. Im Schwimmkurs chani ganz ellei is Wasser gumpe und tauche, dur en Ring dure und chan scho bitzli ganz ellei tauchend schwimme. Eifach s Wasser isch immer so brrrrrrrrrrrr chalt. Ich bin sogar s einzige Chind wo so guet chan unter Wasser gah. A mim 4. Geburtstag hani am Morge dörfe i de Spielgruppe Geburtstag fiere. Denn chund immer de Elmar (farbige Elefant) ufs Bsüechli und d Frau Omlin verzellt es Gschichtli vom Elmar. Han natürli mit mim Mami no Geburtstagschüechli bachet und de Papi hed uf jedes Chüechli Gummibärli ta. Ich han denn no dörfe 4 Cherzli usblase und uf em Prinzässinesässel sitze. Am Namittag hani denn no de Heime Geburtstag gfiered mit allne Bsüechli. Danke allne für die mega tolle Gschänkli. Am Tag nach mim Geburtstag bini mit em Papi und Mami in Rapperswiler Zoo gange. Mir hend ja wieder super tolls Wätter gha, wie jedes Jahr um min Geburtstag ume:-) Am beschte hed mir s Pony riete gfalle und d Seelöwe und Seehund. Die sind denn luschtig gsi. Ich han Pommes mit Wienerli zMittag gha und natürli hed es feins Glace ned dörfe fähle. Denn simer no uf em Pirateschiff gsi und am spötere Namittag simer denn wieder hei gfahre. Ich chan üch also säge ich bin schön müed gsi. Han uf em Heiwäg es chlises pfüserli gmacht hihihii.
So jetzt gnueg quaslet. Muess doch no mis Oschternäschtli parat stelle, suscht gfinds denn de Oschterhas ned. Also tschüss zäme chume gli wieder.

Üche Luuszapfe Samira

September 2011

Hoi Zäme
Da bini wieder. Ich han wieder ganz viel News für üch. De Summer isch bereits au wieder verbi. Aber ich han doch es paar tolli Sache erläbt, über die ich üch gärn brichte möcht. Anfangs Juni simmer wieder in Follonica gsi. Das isch i de wunderschöne Toscana. Mir hend en super Wuche gha mit viel Sunne. Und es isch agnehm warm gsi. Ich han det au wieder es paar Chind atroffe wo ich letschts Johr scho troffe han. I de Ferie han ich glernt z tauche. Es isch zwar gar ned so eifach, mit de Flügeli a de Arme. Aber ich mache das würkli rächt guet. Ich gumpe au ganz ellei vom Rand vom Basing is Wasser, so dass ich denn au tauche. Natürli hani au immer bi de Mini Disco mitgmacht. Nach üsne Ferie hed de Papi denn gli nomol en Wuche Ferie gha und det hemer Usflügli gmacht. Sit es paar Wuche hani au kei Windeli me a. Und ich chan üch säge, das isch soooo schön. Wenns Mami oder de Papi ned merket springi ab und zue „Füdliblut“ ume. hihihiii Nach de Summerferie han ich denn dörfe mit de Spielgruppe starte. Ich gange immer am Zyschtig Namittag und am Donnschtig Morge zu de Frau Stalder. Mir sind 10 Chind und ich bin die jüngscht. Was natürli ned au heisst, dass ich die chlinscht bin. Neinei. Ich bin eini vo de grössere und d Frau Stalder meint, ich sigi en chline Wirbelwind. Hihihiiii Mis Mami gid mir denn immer es Znüni oder Zvieri mit. Am liebschte hätti ja eigentli Gummibärli, aber die dörfi i de Spielgruppe ned ässe. Aber d Trube, Darvidas, Öpfel, Aprikose oder Erdbeereli hani jo au sehr gärn. Denn gahni no mit em Mami immer am Zschtigmorge für 1 Stund is Muki Turne. Und am Fritigabig hani no Schwimmkurs. Ihr gsehnd also ich bin voll angagiert und ich chan üch also säge, das isch fascht wie en Fulltime Job! grins. Im Schwimmkurs chani scho mit de Schwimmnudle ganz ellei is Wasser gumpe. Denn tauchi abe und chume grad wieder ufe. Denn singet mer no s Liedli „es Buurebüebli mag i ned …“ und bi dem Liedli tüend üs d Eltere umeschwinge. Und wiet in Himmel ufe lüpfe. Denn muess ich immer ganz fescht lache vor luter spass.
So jetzt hani gnueg verzellt. Wott jetzt no chli go d Sunne gnüsse verusse. Wer weiss wie langs no so schön warm isch. Tschüss Zäme möchets guet.

Üchi Samira

März 2011

Hoi Mitenand
Wie gahts üch au so? Mir gahts natürlich sehr guet. Es isch ja au scho wieder es Zytli här, wo ihr öpis über mich hend chönne läse. S letschte mol hani ja im Novämber chli öpis gschriebe und jetzt hemer ja scho wieder März. Mir hend en schöni Wiehnachte gha. S Chrischchindli hed es schöns Bäumli gschmückt und ich han ganz vieli lässigi Päckli becho. Leider isch churz vor Wiehnachte s Hapfigg Groseli gstorbe und das hed üs alli sehr trurig gmacht. Jetzt isch es im Himmel obe und tuet abeluege. Über de Winter simer ab und zu go Schlittle. Han äbe en flitzige Pobschlitte. Jetzt isch aber ja bereits März und ich gnüsse wieder jede Tag verusse wenns schön isch. Für die, wo s noni wüsset. Ich bin am 22. März 3 Johr worde J Ich han a mim Geburtstag mit mim Mami und em Papi in Rapperswiler Chinderzoo dörfe. Das isch denn voll lässig gsi. Han Giraffe, Kamel, Zebras, Affe, Seehünd, Elefante, Geisseli und no anderi Tier gseh. De Elefante hani Rüebli gää, die hends denn mit em Rüssel gno hihiiiii. Und bi de Geisseli hed es Mami grad 2 Jungi gebore. Sie sind no ganz nass gsi und hend ganz wackligi Beindli gha. Am beschte hend mir aber scho d Seehünd gfalle. Die hend tanzet, gwinket, klatschet und mit em Balle gspielt. Am Abig bini denn aber scho rächt müed gsi. Ouuu ja zum Geburtstag hani vom Mami und em Papi en schöne Bäbiwage becho und Bäbisache. Am 23.3. hani denn no mit mine Cousins, mit mim Grosi und de Cony mit em Livio chli dörfe fiere. S Mami hed en Schoggichueche gmacht mit Gummibärli drufe. Ich han natürli lieber d Gummibärli drab gno und gässe. Ich han ganz tolli Geburtstagsgschänkli becho. En Garette mit Sändelisache, en Petzi DVD, Plüschtierli, es Windrädli, Malistift und es Malibuech, en Batze für mis Kasseli usw. Viele härzliche Dank für de tolli Tag. Soo gnueg plauderet muss jetzt schluss mache. Han äbe viel z tue. Hihihiiiii suscht wird’s i mim Mami ja no langwielig wenn sie mini Unordnig ned chan ufrume. grins. Also tschüss mitenand und bis gli wieder mal.

Üche Luuszapfe d Samira

November 2010

Sali Mitenand
So da bin ich wieder. Hoffe üch gahts au allne guet. Ich bin ja jetzt au scho 21/2 jährig und han wieder so mängs erläbt. Mini Zöpfli hani nümme. Defür macht jetzt mis Mami jede Tag am Morge e schöni Frisur. De Papi chan das leider no ned so guet. Denn gsehni immer chli luschtig us. Im Septäbmer simer en Wuche in Österrich gsi und hend en gaz tolli Wuche gha. S Wätter isch au optimal gsi. Und ich han dörfe in Chinderhort gah go spiele, singe, baschtle, tanze usw. Isch immer lässig gsi. Und denn hani sogar 2 Mal mit de Chinde dörfe z Nacht ässe. Denn hani Pomm Friteli und Nuggets gässe. Mmmm fein. Dur de Tag dure bini mit mim Mami und Papi verusse gange, denn hani immer dörfe ufs ganz grosse Trampolin. Det heds 4 grossi gha und es hed nur immer 1 Person uf einem gumpe. Mir hend denn glueget wer am höchschte chan hüpfe. Hihihiii de Papi isch zwar immer ufs Füdli gheit und ich han giggelet. Am Fritig Morge gahni ja jetzt immer für 1 Stund is Muki Musig. Det simer 8-10 Chind mit Mamis und denn dörfed mer singe und musig mache. Ich schlane am liebschte uf d Trummele oder denn nimmi d Schlaghölzli. Am Afang hend d Mamis öpe mal gseid „pssssst“ Und ich bin ned so druss cho. Aber jetzt weiss ich scho, dass mir au mal chli müend ruhig si, demit d Mamis verstöhnd was üsi Leiteri d Babi seid. Aber na möched mer denn wieder voll radau. Übrigend schlaf ich jetzt au nümme im Gitterbettli. Und au ohni Zewidecki. I de Ferie hani au es grosses Bett gha und will ich das so guet gmacht han, hed de Papi mis Bettli denn de Hei au umbaut zumene Jugendbett. Jetzt isch scho Novämber und ich bin scho ganz gspannt wenn s mal Schnee gid.
Also mini Liebe ich säge wieder mal tschüss und bis bald wieder mal.

Üchi Samira

August 2010

Salü Zäme
Da bin ich wieder emole und han viel z verzelle. Wie ihr ja sicher scho wüsset heiss ich ja jetzt amtlich Samira Selihom Peter. Und han ja jetzt au e so en Uswies mit emene Chrüzli druf. Das sött glaubi Schwiiz bedüte :-) Mir hend ja jetzt scho wieder mitti Auguscht und d Zyt isch wies Bisiwätter a mir verbi grast. Ändi Mai bini mit mim Papi René und Mami Priska s erschte Mal am Meer i de Ferie gsi. Mir sind mit em Papi sim Auto i d Toscana nach Follonica gfahre. Det hemer es Bungalow gha mit Meersicht. Ich han ganz ellei es Zimmer gha. Es isch mega lässig gsi. Am Morge simer nach em Zmorgeässe an Pool gange go bädele. Han Flügeli agha und guet chönne stah im Pool. Denn simer am Mittag is Bungalow gange und hend öpis z Mittag gässe. Und ich bin denn immer bis ca. am 14.00 go s Mittagschlöfli mache. Also ich chan üch säge, so en Morge mit schwimme macht rächt müed.
Nach em Mittagsschlof simer denn immer an Strand abe gange. Det hani chönne sändele oder Rutschbahn fahre. Und es hed immer ganz viel Chind gha zum spiele. Am Abig hani denn immer mit mim Mami oder Papi duschet. Hihihiiii das isch denn luschtig gsi. Nachhär simer öpis go z Nachtässe, e chli uf de grossi Spielplatz und zum Abschluss hani amel no dörfe bi de Mini Disco mitmache. Die Liedli chani hüt ganz guet ellei singe. So Um die 8i simer denn amel is Bunglow zrugg, det hed de Papi i de la Cuchina es Füürli gmacht und mir es Fläschli Milch zum schlafe parat gmacht. Das sind ganz schöni und lässigi 1. Ferie gsi.
Vor de Summerferie isch mis Mami mit mir go Zöpfli mache. Mega cool. Jetzt hani mal 1 oder denn mal mal 2 Schwänzli. Und ich schwitze nümme so, wenn i es Hüetli a han. Voll praktisch. Jetzt über de Summer bini viel mit em Mami go bade. Mängisch bini sogar in See gange. Aber es hed det immer chli viel Güsel und das hani ned so gärn. Mängisch hani s Tanti Ruth, d Laura und d Vanessa i de Badi atroffe. Und mir hend denn dörfe es Glace schläcke. Mmmmmm fein. 1-2 Mal bini mit em Papi und Mami mit em Veloahänger uf Zug gfahre go es Glace schläcke und bade. Bim heifahre bini denn amel im Ahänger ipfuset. Am 10. Auguscht hed mis Mami Geburtstag fiere und ich han ihre am Morge es Geburtstagsliedli gsunge. Und am Namittag hemer vieli Bsüechli becho. Und ich han chönne mit mine Cousine und Cousin spiele. Im Septämber gömer ja scho wieder i d Ferie. Bin ja gspannt wie das det wird. Es heigi no en Streichelzoo ;-)
Also mini Liebe ich säge jetzt wieder Tschüss und bis gliiiiiii.

Üchi Samira

April 2010

Hallo Zäme
So, da bin ich wieder emole nach langem. Wie ihr gsehnd bin ich au scho en grossi und d Zyt isch wie s Bisiwätter verbi gange. De Winter hani guet überstande und die blöde Strumpfhose chani au ändli im Schrank verrume. Ich bin jo jetzt au bereits 2 Johr alt und ich han en tolle Geburtstag mit mim Mami und Papi, Gotti, em Götti, em Grosi Gritli, mine Cousine und Cousins, und Tantis dörfe fiere. Han ganz vieli schöni Gschänkli becho. Es lässigs knallrots Laufrad mit emene Helm, En Chuchi zum choche, es tolls Täschli zum ahänke für mini Windle und s Züni wenni ab und zue in Chinderhüetedienscht gange, schöni Socke und Chleider, es luschtigs grosses Froschchüsi und vieli Büechli. Danke allne für s Bsüechli und d Gschänkli. Ich tuene sehr gärn Liedli singe, Ringel-ringel Reihe, es tanzt ein Bibabutzelmann, Ringel-Ringelrose, Häsli i de Gruebe und no vieli vieli Anderi. Und min Name chani au scho säge. Ich bin nämli d Ira. Mine Papi isch en Luuszapfe und mis Mami es Schlitzöhrli. Ja wie ihr gsehnd gahts mir sehr guet und ich gnüsses immer wenn i verusse chan. Chürzli bini ganz ellei mit mim Papi in Wald gange go en Wurscht brötle. Mmmmmmmmmmmmm fein. Und will mir nachhär so nach Rauchwürschtli gschmöckt hend hani no mit em Papi dörfe go Dusche. Hihihiiii Das isch mega luschtig gsi. Gli isch mini Adoption dure und ich bechume en Neue Pass und bin denn offiziell au en Schwizeri und min Name isch denn au uf em Papier Samira. Bis jetzt isch ja eigentli min Name immer no Selihom. Aber Schlussändli bin ich ja immer üchi Samira gsi. Oder??? So mini liebe Fründe ich säge jetzt wieder tschüss und ich mälde mich bestimmt gli wieder.

Üchi Samira